India-a Afghanistan ambassador a bang

Afghanistan President Ashraf Ghani-an nikhat chama India a rawn tlawh hnuah India rama Afghanistan ambassador Dr. Shaida Mohammad Abdali chuan a ban thu a puang zui nghal.

Ambassador Abdali hian President Ghani-an India a chhuahsan hnu lawkah a ban thu hi a twitter-ah a sawi a ni. A ban chhan a sawinaah an ram tualchhung boruak chhe zel chu a vei thu leh, an ram leh mipuite rawngbawl hna thawk tura kir a duh thu a sawi a ni. Hetih lai hian Ghani kaihhruai sorkar nen an inkar boruak ṭha lo vang leh, President dinhmuh chuh chhoh a tum vanga bang nia sawi a awm bawk. Abdali hian Afghanistan mipuite a biakrawn hnuah leh, tharum thawhna thlenga a unaute pahnih a chan avangin ramchhunga politics khelh chu a duh ta zawk niin a sawi.

August thla khan Afghan National Security Adviser Hanif Atmar leh minister eng emaw zat chu President Ghani an mil loh vang hian a lo bang tawh bawk a ni.