Gir ramhnuaiah ni 10 chhungin sakei 11 thi

Gujarat-a Gir ramhnuaiah ni 10 chhungin sakei 11 thia hmuh an ni a, an thih dan hi chhui chiang turin state sorkar chuan thupek a tichhuak nghal a ni.

Sakei 11 ruang hi Gir khawchhak lam ramhnuai, Dalkhaniya range-a hmuh an ni tih Deputy Conservator of Forest, Gir (east) P Purusothama chuan a sawi. Sakei ruangte hi an sample lain Junagadh Veterinary Hospital-ah thawn a ni a, postmortem report nghah a ni bawk.

Additional chief secretary of the Forest and Environment Department Dr Rajiv Kumar Gupta chuan sakei pariat chu an insualna avanga an hliam tawrh vanga thi nia an lan thu sawiin, a dang pathumte postmortem report nghah mek a ni, a ti. Hetiang thil hi kum li chhung vel chu a thleng ngai tawh lo niin a sawi a, sakeite thih danah hian misualte an inrawlh an ring lo tih a sawi,.

Kum 2015-a chhiarpui neihah khan Gir-ah hian sakei 520 an awm a ni.