Civil Aviation Ministry-in safety audit nei turin thu pe

Civil Aviation Minister Suresh Prabhu chuan thlawhtheihnaa chuang khualzinte himna tiderthawng thei thil a thlen tak fo avangin airline leh airport zawng zawngte chu safety audit nei vek turin thu a pe.

Ningani khan Mumbai aṭanga Jaipur pana thlawk, Jet Airways flight-ah thawktuten cabin air pressure thununna tur switch an on theihnghilh avangin khualzinten harsatna an tawk a, ṭhenkhat chu an hnar leh bengte a thi phah hial a ni.

Ministry-in a tarlan danin, kum 2016 khan ram chhungah air safety palzutna hi ṭum 347 vel zet a thleng a, kum 2017 November thla aṭanga tun thlengin ṭum 276 a thleng tawh bawk. Official-te chuan airline-te hnenah safety audit nei tura hriattir an nih chuan, ṭum khatah airline-a department zawng zawngte chu uluk taka enfiah vek tur a ni, an ti.