Ruah vangin inkhel ṭhulh

Nimin khan Vijay Hazare Trophy-ah Mizoram leh Puducherry-te chu inkhel tur an ni a, ruahsur vangin inkhel hi ṭhulh a ni.

Mizoram hian first class cricket an khelh hmasak berah Arunachal Pradesh an hneh lo a, Meghalaya an hneh lo chhunzawm. Nimina an hmachhawn tur Puducherry hi team ṭha ber zinga mi ni mah se state pawn player pathum chauh tel theih a nih laiin team pumpui an state mi ni lo an hmang a, BCCI-in zilhin team thar an din.

Mizoram manager leh CAM vice president Lalroṭhuama chuan, "Kan tan chuan thil thar vek a ni a, inzir belh zel kan mamawh avangin chan tur kan nei ve lo. Point hnih kan hmu hi a lawmawm dan a awm rualin keini chuan point li kan beisei avangin kan khel thei lo hi pawi kan ti. Puducherry hi an squad an ṭhat tawh bik loh avangin anni lak aṭang hian point li kan beisei a ni," tiin Vanglaini a hrilh.

Mizoram hi September 26 hian Sikkim nen an inhmachhawn leh ang.