FM Sitharaman-i'n union budget 2022 a pharh

Union finance minister Nirmala Sitharaman chuan nimin khan Parliament-ah financial year 2022-2023 atana union budget a pharh. Financial year 2022 atana India economic growth rate chu 9.2% ni tura chhut a ni.

2022-2023 union budget-ah hian cheng vaibelchhe nuai 39.45 dah a ni a, sum hmanna turah hian kawng siam leh chenna in sakna tur chu dah pawimawh zingah a tel. Minister chuan infrastructure lama sum an sen hi hna tam zawk siamna tur leh, economic activity tihlenna tur a ni, a ti.

Minister chuan budget hi engine pasarihin a khalh kal a ni tiin, heng engine pasarihte thawhhona hian ram economy chu hma a sawn pui dan a ni, a ti. Chungte khawl pasarih a sawite chu - roads, railways, airports, ports, mass transport, waterways leh logistic infrastructure te an ni.

Budget thar aṭanga thil to leh tlawm phah turte
Tlawm tur
• Thawmhnaw
• Gem stone leh diamond
• Mobile phone
• Mobile phone charger
• Mobile phone camera lens
• Frozen mussels
• Frozen squids
• Cocoa beans
• Petroleum product atana mamawh chemical-a chhiah lak
• Chemical, methanol pawh telin custom duty
• Steel lama chhiah tihtlem chu kum khat dang pawhsei a ni
To phah tur
• Ram pawn aṭanga thil lakluh zawng zawng
• Nihliap
• Single or multiple loudspeakers
• Headphone leh earphone
• Solar cells
• Solar modules
• X-ray machine
• Electronic toys parts