AP sorkar hun pek pawtsei

Andhra Pradesh sorkar hnena pollution laka Taj Mahal venhimna tura a ruahmanna siam, vision document thehlut tura Supreme Court-in hun a pek chu nimin khan pawhsei sakin, November 15 thleng hun pek a ni.

State sorkar hian Justice Madan B Lokur kaihhruai bench hnenah Agra khawpui pumpui heritage city-a puan chu thil harsa tak a ni tawh tih a hrilh.

SC hian state sorkar hnenah Taj Mahal chhehvel bial chu heritage-a puan dan ngaihtuah turin alo ti tawh a ni. AP sorkar chuan Ahmedabad-based Centre for Enviromental Planning and Technology chuan heritage-a puan dan tur a ngaihtuahnaah hian a thawhpui mek tih a sawi.

Vision document thehlut tur hian AP sorkar hi October 15 thleng hun pek a ni a, mahse state sorkar aiawhin Additional Solicitor General (ASG) Tushar Mehta leh advocate Aishwarya Bhati-te chuan hun pek belh turin an ngen a ni. SC chuan vision document buatsaihnaah hian Taj Trapezium Zone (TTZ) a industry awmte boruak an tih bawlhhlawh dan te, Yamuna lui tui level chungchangte pawh en tel turin a ti bawk. TTZ hi km 10,400 biala zuai niin, Agra, Firozabad, Mathura, Hathras leh Etah district-te a huam tel a ni.