Education loan atan budget tipung dawn- Javadekar

Sorkar laipuiin zirlaite hnena a pung awm loa education loan a pek ṭhin atana kumtina sum a dah ṭhin chu tihpun a ni dawn tih Union Minister Prakash Javadekar chuan a sawi.

Union Minister for Human Resource Development Javadekar chuan 2nd Higher Education Human Resource Conclave-a thu a sawiah hei hi sawichhuakin, zirlai nuai 10 te hnenah a pung awm loa loan puktir tura sum dah chu tipungin, kum thum chhungin budget-ah hian cheng vaibelchhe 2,200 dah a ni dawn tih a sawi. Kum 2014 aṭang khan zirlai nuai 4-5 inkar hnenah interest-free loan hi cheng vaibelchhe 800 pek an ni, a ti. He loan hi zirlai tam zawkin an hman ṭangkai theihna turin BJP kaihhruai sorkar laipui chuan budget hi cheng vaibelchhe 1,800-ah a tisang tawh bawk niin a sawi.

Hei bakah hian zirna ṭha siamna tura hmalakna kawng khatah ramchhunga classroom nuai 15 chuang pawh digitalise tum a ni tih a sawi bawk. Class 9 aṭanga post-graduate level thlengin classroom nuai 15 chuangte hi 'Operation Digital Board' hnuaiah digitalise an ni dawn a ni. Sorkar laipui chuan 'Operation Digital Board' hi kum nga chhungin ram puma school zawng zawngah kalpui hman a tum a ni.