J&K-a NC hruaitu a bang

Jammu and Kashmir-a National Conference (NC) party thupuangtu Junaid Azim Mattu chu an party aṭangin a bang a, Srinagar-a municipal poll neih tura chuh a tum thu a sawi.

NC hian local body leh panchayat inthlan awm tur chu a boycott a, party thutlukna siam dan hi duh loin Mattu hi a bang a ni. Mattu hian kum 2009 khan politics khel ṭanin, Sajjad Lone-a Peoples Conference a zawm a ni. Kum li hnuah Lone-a party hi chhuahsanin National Conference hi a zawm a, social media lamah NC hruaitu pawimawh tak a ni. Chief Minister hlui Omar Abdullah nen pawh inpawh ṭha tak nia sawi a ni bawk.

National Conference chuan Mattu-a banna hi an pawm nghal thu an party twitter-ah an tarlang.

J&K-a local body leh panchayat inthlan neih tur hi NC bakah regional party lian dang Peoples Democratic Party (PDP) pawhin a boycott bawk. Local body inthlan hi October 8 aṭanga 18 chhungin thawh li-a neih tur a ni a, panchayat inthlan hi November 17 aṭanga ṭanin thawh kua-ah neih a ni ang a, December 11 thleng neih a ni ang.