Rel station beih tuma vauna lehkha dawng

Haryana-a Ambala-a railway official chuan October 20-ah rel station pariatte bomb a nih tur thu vauna lehkha a dawng.

He lehkha hi Ambala Cantonment railway station director-in a dawng a, hemi hnu hian venhimna lam pawh tihkhauh nghal a ni bawk. Police-te chuan lehkha thawntute hi Pakistan firfiak pawl, Lashkar-e-Taiba mite an ni mai thei tih sawiin, lehkhathawna address inziak pawh Karachi, Pakistan a ni tih an sawi. Rel station pariatte bakah petrol pum leh temple te pawh beih an tum tum thu an tarlang tel bawk. Railway police-te chuan FIR an thehlut nghal a ni.