Yamuna lui tuiin hlauhawm chhinchhiahna pel

Yamuna lui tuiin hlauhawm chhinchhiahna a pel tawh a, tui lian hian Haryana-a Karnal district-a Indri block-a thingtlang khaw eng emaw zat a chim mek.

Karnal district-a cheng mi tam tak chu hmun him lamah sawnchhuah an ni a, ruahsur nasa avanga Yamuna lui tui hi a san belh zel avangin district thuneitute chuan tui lianin harsatna nasa tak a thlen mai a hlauhthawnawm niin an sawi.

Karnal deputy commissioner Aditya Dahiya chuan thingtlang khaw panga vel chu tui hian a chim tawh niin a sawi a, chhiatna nasa zawk a thlen thulha a ṭul anga che chhuak turin disaster management team pawh inralring tura hriattir an ni tih a sawi. District thuneitute chu a ṭul anga khawchhung mite sawnchhuak turin an inpeih tih a sawi bawk.