Covid-19 do nan DRDO penchhuak

Defence Research and Development Organisation (DRDO) chairman G Satheesh Reddy chuan Pathianni khan DRDO-in Covid-19 hri dona kal zelah, ram chhung ngeia siam hmanrua 70 an siamchhuah tawh thu a sawi. 

Thla tin ventilator 25,000 an siam theih thu Reddy chuan sawiin, an thilsiamte hi thawnchhuah pawh an inhuam thu a sawi bawk.

DRDO hian hian Delhi-ah Covid-19 kaite enkawlna tur hospital lailawk, khum 1,000 awmna Sardar Vallabhbhai Patel COVID-19 Hospital chu ni 11 chhungin a siam zo hman a ni. He hospital hi Pathianni khan  union home minister Amit Shah leh defence minister Rajnath Singh-ten an tlawh a ni. Hospital-ah hian ICU khum 250 a tel bawk. 

He damdawi-in hi damdawi hmanraw kimchanga thuam a ni a, heng hmaruate hi damlote tana a thlawna hman theiha siam a ni bawk. Army personnel-ten 24x7 an awm chilh bawk ang.