Punjab CM-in college leh university exam ṭhulh thu a puang

Punjab chief minister Captain Amarinder Singh chuan Covid-19 vangin an state-ah college leh university zirlaiten exam an hmachhawn tur chu ṭhulh rih a nih thu a puang.

#AskCaptain Facebook Live session a hmannaah Singh chuan hri lengin ziaawm lam a la pan mai loh avangin college leh university exam ṭhulh a nih thu hi a sawi a, zirlai te hi a hmaa an exam result behchhanin result siamsak tur an nih thu leh, a ti ṭha duh tan Covid-19 hri leng zawh huna exam theihna hun hawn a nih tur thu a sawi bawk.

Exam hi awm dawn lo mah se, zirlaite chu Singh chuan an hma hun zel atana lehkha zir chu ṭhulh chuang lo turin a chah nghal bawk a ni. An state-a school board exam hun tur chungchangah Singh chuan CBSE thutlukna anga an kal zel dawn thu a sawi.