PM Modi-a chawimawina hlan dawn

Prime Minister Narendra Modi chu United Nations-a environmental chawimawina sang, Champions of the Earth hlan a ni. PM Modi bakah hian mimal leh pawl panga dang hlan an ni dawn a, Modi leh France President Emmanuel Macron te chu Policy Leadership cateroy hnuaiah chawimawina hi hlan an ni ang. Modi leh Macron-te hi International Solar Alliance (ISA) tana an hmalakna avang leh, environment chungchanga thawhhona tura an hmalaknate avangin chawimawina dawng tura hian thlan an ni tih United Nations Environment Programme (UNEP) chuan a sawi.

Cochin International Airport pawh Entreprenurial Vision category hnuaiah sustainable energy hmanna kawnga a hmahruaina avangin chawimawina dawng tura thlan a ni bawk. Cochin airport hi khawvela solar-powered airport hmasa ber a ni.

Champions of the Earth award hi sorkar, civil society leh private secotr hnuaia hruaitu leh hnathawk ṭha, environment humhalhna kawnga hma la ṭhate hnenah hlan ṭhin an ni. Kum 13 kalta chhung khan UN Environmental award hi mimal leh pawl 84 hnenah hlan a ni tawh.