PM-in Parakram Parv a hawng

Indian Army-ten surgical strike an neih champha vawi hnihna hriatreng nan, Prime Minister Narendra Modi chuan nimin khan Jodhpur-a Combined Commanders' Conference neihnaah Army exhibition, Parakram Parv a hawng.

PM hian Konark war memorial-ah ram tana martar-te zahna a hlan nghal bawk.

Parrakram Parv hi Jodhpur Military station-a Konark Corps-te buatsaih a ni. Indian Army-te huaisenna leh hlawhtlinna te, ram himna tura an inpekna te tarlanna atana buatsaih a ni. Exhibition a hawn hnu hian PM hian Jodhpur Air Force Station-a Combined Commanders' Conference hi a hmanpui nghal a, hei hi hi Delhi pawn lama Commanders' Conference an neih

ṭum thumna a ni. PM hi Defence Minister Nirmala Sitharaman, National Security Advisor Ajit Doval leh armed services pathum hotute bakah defence ministry official-ten an ṭawiawm a ni.