Congress-in ngaihdam dil turin FM Sitharaman an phut

Congress party hruaitu Rahul Gandhi chuan Thawhlehnia BJP kaihhruai NDA-in union budget a pharh chu 'zero-sum budget', middle class, loneitute leh mi retheite tana hnemhnanna awm lo niin a sawi.

Gandhi chuan Finance Minister Sitharaman chu a thusawi chungchangah Uttar Pradesh mipuite hmusitah puhin, ngaidam dil turin a phut bawk.

"Kan ram puma beidawnna a thleng tawh a, kan ṭhalaite hmalam beiseina an nei lo. Chutiang karah prime minister Narendra Modi kaihhruai sorkar budget siam chuan mipuite natna leh harsatna tawh mekte a hlamchhiah vek a ni," a ti. Sitharaman-i'n a thusawia 'typical UP-type' tia a sawi chu Uttar Pradesh mipui vaibelchhe 25 te hmuhsitna leh nuihzatna a nih thu sawiin, PM Modi leh Sitharaman-te chuan Uttar Pradesh mipuite hnenah ngaihdam an dil nghal tur a ni tiin Congress chief spokesperson Randeep Surjewalla pawhin a sawi bawk a ni.