Hnam hla zah lohah Bengal CM puh Mumbai court-a inlan turin ko

Mumbai court chuan West Bengal chief minister Mamata Banerjee chu Hnam hla, national anthem zah loa puh a nih chungchangah March 2-ah court-a inlan turin a ko.

Mumbai BJP unit president Vivekanand Gupta chuan court-ah hian complaint thehlutin, nikum December thlaa Mamata Banerjee-in Mumbai a tlawh ṭum khan, hun an hmanna pakhata Hnam hla play a nih laiin a ding ve lo tih sawiin, hei hi Hnam hla zah lohna lian tak a ni, a ti.

Court chuan CM Banerjee laka complaint thehluh hi a finfiahna, DVD-a video clip leh YouTube-a video clip-te pawh a awm niin a sawi a, West Bengal CM hian Hnam hla sak laiin a ṭhutna hmun pawh a chhuahsan a ni, a ti. He thil hi Prevention of Insults to National Honour Act, 1971-a Section 3 hnuaiah hremna pek theih a nih thu a sawi bawk.