Telangana CM-in PM 'Dress Code' sawisel

Telangana chief minister K Chand­rasekhar Rao chuan prime minister Narendra Modi chu inthlan neihna tur puala inthuamah puhin, union budget pharh tak pawh chu a laimu awm lo, style-a kal ralah a puh bawk.

PM Modi chungchang a sawinaah, CM Rao chuan, "Inthlan hun alo nih chuan a khabe hmul zuahin Rabindranath Tagore angin a lang a. Tamil Nadu inthlan a nih dawn chuan'lungi' a rawn veng ngei ang. Punjab inthlan dawn chuan pagdi (turban) a khum ang a, Manipur a nih chuan Manipur inthlan dawnah Manipuri cap, Uttarakhand a nih chuan topi (cap). Hetianga lemchan avang hian he ram hian engnge a dawn?", a ti. 

Prime Minister Modi hian Republic Day lawmnaah khan Uttarakhand traditional cap khumin, Manipur stole a rawn bat bawk a ni. Heng state pahnihte hi assembly inthlan neihna tur state panga zinga mite an ni.