Sri Lanka Foreign Minister a rawn zin dawn

Sri Lanka foreign minister GL Peiris chu February 6-8 hian India ramah a rawn zindawn.

Official chuan kum 2021, August thlaa Sri Lanka cabinet siksawi a nih ṭum a foreign minister atana dah a nih hnuah, Peiris hian India ram a tlawhna hmasa ber tur a ni tih a sawi.

India hian Sri Lanka-in sum lama harsatna a tawh mekah pawh a lo pui fo tawh a, external affairs minister S Jaishankar pawhin India ram chuan a ṭhianṭha, Sri Lanka chu hun harsa tak a hmachhawn mekah a theih angin a pui zel dawn tih a lo sawi tawh a ni. Foreign minister pahnihte hi nikum September thla khan New York-a United Nations General Assembly neih kar lakah an inhmu tawh bawk a ni.

Nikum December thla khan Sri Lanka finance minister Basil Rajapaksa chu India-ah rawn zinin, an ramin ei tur, medicine leh fuel lama harsatna an tawn mekah India chu pui turin a rawn ngen tawh bawk.