PM-in Mann Ki Baat vawi 48-a hmang

Prime Minister Narendra Modi chuan thla tina radio-a programme a hman ṭhin, Maan ki Baat vawi 48-na chu nimin khan a hmang leh.

Nimina thu a sawiah PM hian kum hnih kaltaa India Army-ten Pakistan rama surgical strike an neih chungchang a sawichhuak a, ram tana sipaite inpekna leh an huaisennate chu ṭhalaiten hrechiang se a duh thu a sawi. Hei bakah hian Indian Navy Commander, Golden Globe race neih laia lawng chetsual vanga tuipuia tang a, a dam khawchhuah na atana huaisen taka beitu chu zahna pawh a hlan nghal bawk.

Maan Ki Baat-a PM thusawi ṭhenkhatte :

* Surgical Strikes Day-ah ram tana thawktu sipai huaisen-te hriatreng an ni. India sipaite chuan ram himna leh hmasawnna tihchhiat tuma beitute chu an phu tawk chhanna an pe let thei tih chiang takin a lang a ni.

* India chuan khawvela remna leh muanna a awm a duh reng a, mahse mahni hlutna hnuhhniam phahna atan erawh a hmang dawn lo.

* Ṭhalaite chuan sipaite huaisenna leh ram tana an inpekna an hriat belh a ngai.

* UN peacekeeping force atana thawhtu tam ber zingah India a tel.