Sorkarin Air India pawisa Rs vbch 1146.86 batsak

Sorkar laipui chuan VVIP charter flight atana a hmansakna, cheng vaibelchhe 1146.86 chu Air India a batsat mek niin RTI hmanga zawhna chhannaah tarlan a ni.

Air India-in RTI hmanga zawttu, Commodore Lokesh Batra (rtd) a chhannaah, Defence Ministry chuan cheng vaibelchhe 211.17, Cabinet Secretariat leh PMO-in cheng vaibelchhe 543.18 leh External Affairs Ministry in cheng vaibelchhe 392.33 a batsak mek niin a sawi.

Sorkar laipuiin sum a batsak zinga ṭhenkhat hi kum 10 dawn kaltaa president, vice president leh evacuation flight atana hmanna mante a la tel a ni, a ti.

Kumin March thlaa zawhna chhanaah khan January 31 thlenga Air India pawisa batsak hi cheng vaibechhe 325 a ni a, mahse tunah chuan leiba cheng vaibelchhe 1146.86 zetah a kai chho hman tawh a ni.

VVIP - president, vice president leh prime minister ten ram pawn an tlawhna tura an hman, chartered aircraft hi Air India chuan hmantirin, commercial jet-te chu VVIP te hman tur hian chei a ni ṭhin. Heng thlawhtheihna an hmanna man hi Minsitry of Defence, Ministry of External Affairs, Prime Minister's Office leh Cabinet Secretiat-ten an pe a ni.