India mi dan loa US-a lut an pung

US Customs and Border Protection (CBP) in a tarlan danin, kumin chhungin dan loa US-a India mi lut chu kum hmasa lamin aiin a let thum dawnin an pung a, ram dang aṭanga dan loa US-a luh tum tam ber zingah an tel.

CBP thupuangtu Salavador Zamora chuan India mi tam tak hian US-Mexico border kaltlangin US hi an lut a, anmahni buaipuitute hian mi pakhatah dollar 25,000 - 50,000 inkar an la ṭhin a ni, a ti. CBP data-a a lan danin, fiscal year tawp, September 30 thlenga dan loa lut India mi hi 9,000 vel an ni dawn a, kum 2017-ah kha chuan mi 3,162 an ni, a ti.

Mexico ram kaltlanga US an thlen hnuah heng mite hian India ramah politics lama inenhranna vang te, hnam hnuaihnung thliarhranna nasat avang te, an sakhua ni lote nupui pasala neih vanga vauna an tawh thute chhuanlama hmangin US-a awm phalna hi an dil ṭhin niin immigration lawyer-te chuan an sawi.