PM Modi-a'n feet 216-a sang 'Statue of Equality' a hawng

Prime minister Narendra Modi chuan Inrinni liam ta khan Hyderabad-a 11th century-a Hindu saint Ramanujacharya lim siam chu a hawng. He lim hi 'Statue of Equality' tih niin, feet 216-a sang a ni.

Prime Minister Office-a Statue of Equality hi kawng hrang hrang, sakhaw, hnam leh rinna kawnga intluktlanna duhtu leh chawilartu, Ramanujacharya chawimawina leh hriatrengna a nih thu a tarlang.

Mi lim hi 'panchaloha', metal panga - gold, silver, copper, brass leh zinc inpawlh hmanga siam niin, khawvela mi lim ṭhu, metal hmanga siam zinga sang ber zingah a tel a ni. Mi lim dahna hi building, feet 54-ah dah niin hei hi 'Bhadra Vedi' tih a ni a, he building-ah hian Vedic digital library leh research centre-te siam a ni a, theatre, educational gallery-te awmin, Sri Ramanujacharya thuziak tam tak dah a ni.