ED-in Nirav Modi-a thil neih Rs vbch 637 hu lak sak

Enforcement Directorate chuan Punjab National Bank (PNB) a sum tam tham tak tichingpentua puh, Nirav Modi-a bank account leh tlereuh bakah, US leh UK-a a laksak a, heng hi cheng vaibelchhe 637 hu an tling.

Agency hian ramdangte hi thawhpuiin, Hong Kong aṭangin lunghlua chei tlereuh cheng vaibelchhe 22.69 man vel an lakir tawh bawk a ni. Heng tlereuhte hi Central Bureau of Investigation (CBI) in Modi leh midangte laka thubuai a ziahluh hnuah lakkir an ni, a ti.

Tlereuhte hi Hong Kong-a private company vault-a Modi-a hming hian dah a ni. Ed hian company leh London-a an headquarters biain, laklet dan tur hi a buaipui a ni. Agency chuan South Mumbai-a flat, cheng vaibelchhe 1905 man, Modi-a farnu Purvi-i ta pawh a laksak bawk. He flat hi kum 2017-a lei a ni a, flat leina man hi Singapore-a a Barclays Bank account aṭanga pek a ni.

British Virgin Island-a Purvi Modi leh a pasal Maiank Metha te investment company hminga account siam pawh EX hian a laksak bawk a, he account-ah hian cheng vaibelchhe 44 a awm a, hei bakah hian account dang panga, cheng vaibelchhe 288 balance awmna chu laksak a ni bawk.