Ram hruaituten Mahatma Gandhi zahna hlan

India Hnam Pa Mahatma Gandhi chu nimin kha a piancham vawi 149-na a ni a, a piancham pual hian ram hruaitu hrang hrangte chuan Rajghat-ah zahna an hlan.

Prime Minister Narendra Modi leh President Ram Nath Kovind te chuan nimin zing khan Rajghat-ah zahna pangpar an dah. Congress president Rahul Gandhi leh United Progressive Alliance (UPA) chairperson Sonia Gandhi-te pawhin pangpar an dah a ni.

Delhi Chief Minister Arvind Kejriwal leh a deputy Manish Sisodia, Delhi Lieutenant Governor Anil Baijal leh BJP senior leader LK Advani te pawhin Rajghat-ah pangpar an dah bawk.