Hazare-an chaw ngheia nawrh huaihawt

Social activist Anna Hazare chuan eirukna dotu, Lokpal leh Lokayukta ruat tura sorkar laipui phutin nimin khan chaw ngheia nawrh a huaihawt.

Anna Hazare chuan central-a BJP kaihhruai sorkar laipui chu Lokpal phutna vanga thuneihna chang thei an nih thu a sawi a, Prime Minister Narendra Modi-a hnenah pawh lehkha thawnin kum li kalta chhung khan a kaihhruai sorkar chuan Lokpal leh Lokayukta hi a ruat thei lo a ni, a ti.

Hazare chuan, "Kum 2011 August 16 khan ram pumah Lokpal leh Lokayukta ruat phutin kawng zawh huaihawt a ni a, hetianga nawrh huaihawt a nih avang hian thuneihna pawh in chan chhoh theih phah a ni", tiin PM hnena lehkha a thawnah hian a sawi a ni. Kumin March thlaa Delhi-a Ramlila Maidan-a chaw ngheia nawrh a huaihawt ṭuma PM-in ziak ngeia a thil phut tihhlawhtlin a tiamna pawh tun thlengin a la tihhlawhtling lo tih a sawi bawk.