J&K civil polls: Ward 177-ah candidate awm lo

Jammu and Kashmir-a civil poll neih tura Kahsmir Valley-a municipal ward 624 zingah ward 177-ah candidate an awm lo a, ward 215-ah chuan candidate te chu chuhtu awm loin an tling nghal bawk.

Thawh li-a neih tur, municipal election hi October 8,10, 13 leh 16-ah neih a ni dawn a, inthlana chuh tumte tana nomination paper thehluh theih hun chu Thawhlehni khan a tawp a ni.

Municipal leh panchayat inthlan neih tur hi India ṭanga inlakhran duhtu pawlte chuan an boycott a, hei bakah hian tualṭo party lian pahnih, National Conference (NC) leh Peoples Democratic Party (PDP) pawhin inthlanah hian chuh an tum lo bawk.