Myanmar-ah Rohingya mi pasarih thawn kir

Myanmar aṭanga Rohingya mi rawn pemlut zinga mi pasarih chu nimin khan sorkarin Myanmar-ah a thawn kir.

Rohingya pemlut pasarihte hi Nilaini khan Assam aṭang-in Manipur-ah hruai an ni a, Manipur-a border town Moreh-ah nimin khan Myanmar thuneitute kutah hlan an ni. Heng mite hi India aṭanga Myanmar rama Rohignya thawnlet hmasa ber an ni a, Moreh-a Integrated Check Post (ICP) kaltlangin hlan an ni.

Myanmar rama Rohinghua thawnlette hi Mohammed Inus, Mohammed Sabir Ahmed, Mohammed Jamal, Mohammed Salam, Mohammed Mukbul Khan, Mohammed Rohimuddin leh Mohammed Jamal Hussain-te an ni.

Supreme Court chuan dan loa Myanmar aṭanga Assam-a rawn lut, Rohingya mi pasarihte hi an rama thawn kir hi a remti a, court chuan heng mite Myanmar chuan an ram mi leh saah a pawm a ni, a ti. Hei vang hian Rohingya mite thawn let tum chungchanga thutlukna siam tawhah inrawlh a tum lo tih a sawi a ni.

Official-te chuan dan loa pem lut, Rohingya mi pasarihte hi kum 2012, July thla khan security force-ten Assam-a Silchar khaw daiah an man a, detention centre-ah an hreng zui nghal a ni.