Bihar official-te meeting-ah mobile phone hman khapsak

Bihar sorkar chuan Ningani khan thupek tichhuakin, official-te chu high-level meeting neihnaah an cell phone kenluh a khap.

Principal secretary, general administration department, Aamir Subhani-an thupek a tihchhuahah hian, principal secretary leh police official te zawng zawng chu meeting an neih laiin cell phone hmang tawh lo turin a ti a ni. Chief Minister, department minister, chief secretary, development commissioner leh senior official chinte kaihhruai meeting-ah chuan official te chu cell phone an ken luh phalsak an ni dawn lo.

He thupek tihchhuah a nih chhan chu meeting pawimawh neih laiin official-te chuan an mobile phone hi an khawih fo a, meeting neih laiin an rilru pawtpengin harsatna pawh an neih phah fo a ni.

Kumin June thla khan Karnataka Chief Minister HD Kumaraswamy chuan official leh sorkar staff-te chu meeting neih laia rilru la peng thei thil a duh loh thu sawiin, mobile phone hman hi a lo khap tawh bawk.