EC-in rualbanlo-te hruaitu tur ruahman dawn

Election Commisson chuan mitinin vote an thlak ṭheuh theihna turin inthlan neihna hmuna rualbanloten vote an thlak ve theihna turin anmahni hruaitu leh thlahtu tur ruahman turin state tina election thuneitute a hriattir.

State leh Union Territory tina Chief Electoral Officer-te hnenah EC chuan hriattirna hi pein, vote thlak niah rualbanlo, mahnia kal thei lote chu polling station-a vote thlak tura hruaitu tur leh a thlahtu tur ruahman vek turin a ti. Hemi atan hian a ṭul a nih chuan sorkar motor pawh hman theih a ni tih a sawi bawk.