Ayushman Bharat Scheme list-ah UP minister a tel

Sorkar laipuiin ramchhunga mirethei zawkte tana healthcare scheme a siam thar, Ayushman Bharat-National Health Protection Scheme beneficiary list-ah Uttar Pradesh minister Satish Mahana leh a chhungte an tel. State Deputy Chief Minister Keshav Prasad Maurya chuan he thil hi chhui chiang turin thupek a tichhuak nghal.

Ayushman Bharat-National Health Protection Scheme hi sorkar laipuiin chhungkaw rethei zawkte tana health insurance scheme a siam niin, he scheme hmang thei chhungkuate chu kumtinin damlo inenkawlna cheng nuai 5 thleng pek theih an nih bakah, sorkar hospital leh private hospital thlan bik hrang hrangah te pawisa pek ngaia an inenkawl theihna tur a ni.

Maurya chuan, "2011 survey neih ṭuma thil ti dik lo tu office-te chu chhui chiang a, an laka action la nghal turin kan ti a ni. Hun lo kal zelah pawh sorkar laipui leh state sorkar-te chuan mirethei leh harsa zawkte tana scheme an la siam belh zel dawn a ni. Survey pawh neih a la ni zel dawn dawn a, hming dik lo dah tel a nih chuan a mawhphurtute chungah action kan la zel dawn a ni", a ti. Ayushman Bharat chu mirethei leh harsa zawk, in enkawlna tur nei ṭha lote tana duan a ni a, hei hi dik lo taka hman a ni tur a ni lo, a ti.