Sharad Pawar-an LS inthlanah chuh tum lo

Nationalist Congress Party (NCP) president Sharad Pawar chuan nakkuma Lok Sabha inthlanpui neih turah a chuh dawn lo.

NCP chuan hemi chungchang hi Inrinni khan puangin, Sharad Pawar chu an party hotu lu ber a ni chhunzawm zel dawn tho tih a sawi. Party hruaitu Ajit Pawar chuan, "Sharad Pawar hi kum 78 mi a ni tawh a, nakkum inthlanpui neih turah hian a chuh tawh loh a ṭha zawkin a ngai a ni", a ti. Party worker-ten Pune-a ding turin ngen mah se, Pawar chuan inthlan hi chuh a tum tawh lo tih sawiin, a hming pawh rawt lang tawh lo turin a ngen tih a sawi.

Pawar hian kum sawmruk dawn politics a khel tawh a, PV Narasimha Rao leh Manmohan Singh te prime minister-na hnuaiah cabinet minister niin chanvo pawimawh tak tak a lo chelh tawh a, Maharashtra chief minister vawi li a ni tawh bawk.