Mayawati-i PM nih tir tumin kan bei dawn : OP Chautala

Haryana chief minister hlui leh Indian National Lok Dal (INLD) president OM Prakash Chautala chuan Bahujan Samaj Party (BSP) Chief Mayawati-i prime minister a nih theih nan eptu party hrang hrangte thawhho theihnan theihtawp an chhuah dawn tih a sawi.

Gohana-a 'Samman Divas' rally-a thu a sawiah Chautala chuan eptu party ṭangrual siam turin an bei dawn a, Mayawati-i chu prime minister thar nih tir an tum tih a sawi a ni.

Haryana-a zirtirtu lak dan dik lo taka kalpui chungchanga thiam loh chantira kum 10 tang tura hrem, Chautala hi Tihar jail-ah tantir a ni a, tunhnaiah kar hnih chhung atan parole-a chhuahtir a ni. Pathianni khan INLD hruaitu hlun leh Chautala pa, Devi Lal kum 105 champha pualin an party hian rally an huaihawt a ni.