Pakistan hnena thuruk hrilhtu Brahmos Aerospace engineer man

Nagpur-a BrahMos Missile Research Centre-a thawk engineer pakhat chu Pakistan intelligence agency IS leh ram dang tana enthlatua puhin Thawhṭanni khan man a ni.

Police-te chuan Barhmos Aerospace-a senior system engineer, Nitshan Agrawal, 28, chuan India Brahmos missile chungchanga thurukte a tiputru niin an sawi a, Thawhṭanni khan Ujjal Nagar-ah Uttar Pradesh leh Maharashtra Anti-Terrorism Squads (ATS) thawkdunten an man a ni. Man a nih hnu hian a chenna in leh Dongargoan-a Brahmos Aerospace office pawh dap nghal a ni bawk.

Uttar Pradesh ATS-in an man, Hizbul Mujahideen group member pakhatin thu a hrilh aṭangin Agrawal hi chhui zui nghal a ni. ISI tan leh American intelligence agency tana thawka puh niin, heng ram hnenah hian Brahmos missile kaihhnawih thuruk pawimawhte a hrilh nia sawi a ni.

Regional Defence Public Relations Officer, Group Capt Basant Pande chuan Agrawal hi DRDO-a direct employee a ni lo a, Brahmos Aerospace Private Ltd a thawk niin a sawi.