Chhattisgarh-a gas pipeline puakah mi 9 thi

Chhattisgarh-a Durg district-a Bhilai Steel Plant-a gas pipeline chu nimin khan a puak a, mi pakua thiin midang 14 in hliam an tuar.

Pipeline puahna hmun hi state khawpui Raipur aṭang km 30 vela hla, Bhilai khuaa coke oven section bulah a ni.

Kum 2014 khan Bhilai Steel Plant-ah hian vanduaina a lo thleng tawh bawk a, gas nasa taka leak-in mi parukin an thih phah a, an zingah hian senior official pahnih an tel. Mi 50 chuangin harsatna an tawh phah bawk.

Bhilai Steel Plant hi Steel Authority of India Limited (SAIL) enkawl niin, ram chhunga steet plant ṭha bera thlangin ṭum 11 lai Prime Ministre's Trophy an lo la tawh a ni.