Maha sorkarin wine supermarket hawn a tum avangin Hazare-a'n tiam chin awm loa nawrh huaihawt tum

Maharashtra sorkarin wine supermarket leh walk-in store-a wine zawrh a tum duh loin, social activist Anna Hazare chuan kar leh Thawhṭanni, February 14 aṭangin tiam chin awm loa chawngheia nawrh huaihawt a tum.

Anna Hazare hian kar liam ta khan Maharashtra chief minister Uddhav Thackeray chu 'reminder letter' thawnin, sorkarin supermarket leh walk-in store-ah wine zawrh a remtih chuan chawngheia nawrh huaihawt a tum thu hi a lo hrilh tawh a ni.

Hazare chuan sorkar thutlukna siam hi an state tana thil pawi leh vanduaithlak tak a nih thu sawiin, ṭhangtharte tan a hlauhawm thei dawn a ni, a ti.