JNU VC thar a thlan dan sawifiah turin sorkar laipui phût

Maharashtra-a higher and technical education minister Uday Samant chuan Nilaini khan Jawaharlal Nehru University-a vice-chancellor thar Santishree Dhulipudi Pandit an thlan chhan sawifiah turin union ministry of education hnenah ziakin a thlen dawn tih a sawi.

Minister chuan JNU VC thar, kum 59 mi Pandit hi kum 2017 aṭang khan hun rei tak leave lain, thla ruk liam ta khan political sciende department-a professor hna chu a zawm leh chauh niin a sawi. A hun hma lamah eirukna avanga hmingchhiatna nasa tak a nei chunga JNU VC atana thlan a ni chu mak a ti hle a, ministry chauhin thlan a nih chhan hi a sawifiah thei ang,a ti.

Sorkar laipuiin JNU VC atan a thlan Pandit hi eiruk thubuaiah thiam loh chantir a lo ni tawh a ni. He thil hi kum 2002-2007 inkar, Pune University-a International Students Centre (ISC)-a director a nih laia thleng a ni. Pandit hian a thuneihna hmang dik loin, course hrang hranga Persons of Indian Origin (PIO) puala seat dahah zirlai dang eng emaw zat a lo admit a ni. An hek hnuah, SPPU VC chuan kum nga chhung a increment dawng thei lo turin a hrem a ni.