Hrekna tur chungchang India-in a hre thuai ang : Donald Trump

US President Donald Trump chuan US-in a dodal chunga India-in Russia S-400 Triumf air defence system lei tura inremna a siam avangin India a hrekna tur chu an hre thuai dawn tih a sawi.

US hian Countering America's Adversaries Through Sanctions Act (CCATSA) hnuaiah Russia hi hrekin, a ṭhianṭha ramte chu Russia aṭanga ralthuamte lei lo turin a phut a ni. He dan hnuaia hrek mek Russia aṭanga ralthuam leina tura inremna siampuitu ramte chu hremna pek theih an ni dawn a ni. Mahse kumin kumtir lam khan dan hi siamṭhain, President chuan Russia inremna siampuitu hrekna pek tur ngaihnathiam theihna thuneihna a nei a ni.

Kar hmasa khan India chuan dollar tluklehdingawn 5 man S-400 Triumf air defene system lei tur hian Russia chu inremna a ziahpui a ni. He inremna hi India rama Russia President Vladimir Putin a cham laiin Prime Minister Narendra Modi nen an ziak a ni.

India leh Russia in inrenma an siam chungchang an zawhnaah, US President Trump chuan India chuan an chhanna chu a hre thuai dawn tih a sawi. CAATSA sanction chungchanga White House-a Oval Office-a reporter an kawmnaah hian US Secretary of State Mike Pompeo pawh a tel.