Bangladesh ngenna vangin East Pakistan pillar dahbo dawn

Bangladesh sorkarin a ngen avangin sorkar laipui chuan India-Bangladesh ramri-a pillar, 'East Pakistan' tih inziahna chu a dahbo dawn.

Bangladesh chuan 'East Pakistan' tih inziaha pillar te chu dahbo a, an ram hming ziahna pillar thar siam a duh a ni. Heng pillar awmsa te dahbo tura a ngenan hi sorkar laipui chuan remtih sakin, Border Security Force-te a dahbo hna thawk tur hian hriattir an ni.

BSF official chuan pillar dingsate dahbo tura hriattirna hi sorkar laipui aṭangin an dawng tawh tih a sawi a, a thawh khatnaah pillar 31 thlak an ni dawn tih a sawi. Assam-a pillar 13 dahbo hna chu an thawk ang a, a bak 18 awmte dahbo hna chu Border Guards Bangladesh (BGB) ten an thawk dawn thung tih a sawi.

Pillar dahbo turte hi Bangladesh-in indepen-dence a hmuh hma, West Pakistan-a a la beh laia siam a ni a, hetih hunlai hian Bangladesh hi East Pakistan tih a ni ṭhin. Kum 1971 khan Pakistan aṭang hian independence hmu mah se, India nena an ramri-a pillar awmte hi an la awm chhunzawm reng a ni.