National War Memorial-ah school band-in rimawi intum chhawk dawn

Defence ministry chuan New Delhi-a National War Memorial-ah school band-te chuan rimawi an intum chhawk ṭhin dawn tih a sawi.

Ministry chuan hemi chungchangah hian nimin khan thuchhuah siamin, "School band-te perform tir ṭhin hi school naupangte rilruah ram hmangaihna, mahni mawhphurhna atana inpekna, huaisenna leh ram tana inpekna hlut zia tuhna atan te, War Memorial-a mipui, a bikin ṭhalaite chanvo tam zawk siamsakna atante tih a ni," a ti.

Education ministry chuan Central Board of Secondary Education (CBSE) hnenah War Memorial-a school band-te perform dan tur ruahmanna siam turin a hrilh nghal bawk. School band-ten rimawi an tum tur hi Directorate of National War Memorial and Museum leh Integrated Defence Staff-ten an thlang ṭhin ang.

He ruahmanna hi February 22 aṭangin enchhin tum a ni.