Police modernisation scheme atan Rs vbc 26,275 pawm

Sorkar laipui chuan kum nga chhunga police thuam changkanna tur, Modernisation of Police Forces (MPF) scheme atan cheng vaibelchhe 26,275 a pawm.

Union Home Ministry chuan he scheme hian Jammu and Kashmir, hmarchhak state leh Moaist hel chet hluarna state security kaihhnawih thila hmalakna a huam tel a, hei bakah battalion thar dinna tur te, high-tech forensic laboratory siamna tur leh investigation tools dangte pawh a huam tel tih a sawi.

Kum 2021-22 aṭanga kum 2025-26 atan sum ruahman, Rs vbc 26,275 aṭang hian Rs vbc 18,839 chu Jammu and Kashmir-a security kaihhnawih thil, hmarchhak state-a helpawlte awmnaa hmalakna leh Moaist helpawlte awmna state-a hmalakna atan dah a ni. State police force-te thuam chakna turin sorkar laipui chuan Rs vbc 4,846 a pe bawk ang.

State leh Union Territory-a high-quality forensic sciences facilit-te tihchangtlunna turin Rs vbc 2,080.50 pek a ni dawn a, India Reserve Battalions or Specialised India Reserve Battalion thar dinna turin Rs vbc 360 ruahman a ni. Narcotics contral lama state leh UT-te puihna turin Rs vbc 50 pawm a ni bawk.