Vawiin aṭangin Bihar-in Covid khuahkhirhna hlip vek dawn

Bihar sorkar chuan vawiin aṭangin state chhunga Covid-19 hri leng vanga khuahkhirhna a siamte a hlip vek dawn.

He thutlukna hi chief minister Nitish Kumar hoa crisis management group-in meeting an neihah siam a ni.

Meeting zawha state home department-in thuchhuah a siamah, February 14 aṭangin khuahkhirhna hlih vek a ni dawn a, inneih leh mitthi vuinaa mi 200 aia tam kal khap pawh tihtawp a ni bawk. School-te pawh dan pangngai angin an kal tawh dawn a ni.

Sorkar chuan khuahkhirhnate hlih a nih rual hian mipuite chu pawn chhuahnaah face mask vuah chhunzawm zel tur leh, social distancing te ngai pawimawh zel turin a chah.

Bihar-a hri leng hi a ziaawm tawh hle a, thla khat liamtaa active case 30,000 chuangte an nih laiin, kar liam taah kha chuan active case hi 1,500 hnuai lamah an tla thla tawh a ni.