Sanskrit University inthlanah NSUI chak

Uttar Pradesh, Varana­si-a Sampurnanand Sanskrit Vishwavidyalaya (University)-a zirlai hruaitu tur thlanna Nilainia neihah Congress zirlai pawl Natio­nal Students' Union of India (NSUI) chuan post awm zawng zawng an la.

 

An khingpui RSS zirlai pawl Akhil Bharatiya Vidyarthi Parishad (ABVP) candidate-te chuan seat pakhatmah an la ve lo a ni. NSUI presidential candidate Shivam Shukla chuan vote 709 a hmuh laiin a khingpui Harshit Pandey chuan vote 224 chauh a hmu thung.

Vice Chancellor Prof Rajaram Shukla chuan police-te venhimna hnuaiah zirlai thlan tharte hi an inlam pan tir an nih thu a sawi. Sampurnanand San­skrit Vishwavidyalaya (University) hi British-in India a awp hunlai, kum 1791 khan din a ni a, Governor of Bombay Jonathan Duncan-a'n Sanskrit ṭawng humhalh a nih theihna atana din a rawt a ni.