PM Modi leh Bangladesh PM-in summit nei dawn

Prime minister Narendra Modi leh Bangladesh prime minister Sheikh Hasina te chuan December 16-17-ah virtual summit an nei dawn tih Bangladesh foreign ministry chuan a tarlang.

Bangladesh chuan nakkum March 26-a an ram Independence Day lawmnaa tel turin PM Modi hi a sawm nghal bawk. Hei hi PM chuan a thuphungin a pawmsak tawh niin Bangladesh foreign minister Dr AK Abdul Momen chuan a sawi. 

Hetih lai hian India lam chuan virtual summit leh Modi-a'n Bangladesh a tlawh tur chungchangah hian official-in thuchhuah engmah a la siam lo thung. Ram pawn lama PM Modi a zinchhuah hnuhnung ber chu nikum November thlaa Brazil rama BRICS summit hmanga a zin kha a ni. Hemi hnu hian Covid-19 hri leng vangin ram dangah a zin chhuak zui ta rih lo. Kumin March thla khan Sheikh Mujibur Rahman pian cham lawmna hmang turin Bangladesh-a zin a tum a, mahse hripui leng vangin a zin ṭum hi a ṭhulh a ni.