Maharashtra-ah sakhaw biakna hmun hawng dawn

Maharashtra chief minister Uddhav Thackeray chuan kar liam ta Inrinni khan an state puma sakhaw biakna hmunte chu vawiin (November 16) hian hawn tum a nih thu a sawi.

Covid-19 hri len vangin kumin March thla aṭang khan Maharashtra-a sakhaw biakna hmunte hi khar a ni a, CM Thackeray chuan hri leng hian zawi muanga ziaawm lam a pan chhoh mek thu a sawi a, chutih rualin ngaihngam taka awm theihna a la nih chuan loh thu a sawi bawk. 

Sakhaw biakna hmunte hawn tum a nih hunah pawh hri darh tur venna atana sorkarin kaihhruaina a siamte chu khauh taka kenkawh a ni dawn tih a sawi. Biak in pawnah pheikhawkte chu dah vek tur a nih thu sawiin, biakina kal turte chuan hmai-tuamna an hmang ngei ngei tur a ni, a ti. 

Sakhaw biakna hmun hawn tum chu sorkar thupek ni loin, Pathian duh dan a ni tiin, "Covid-19 hri leng karah Eid, Mount Mary festival-te pawh hman a ni a, he festival hmangtute hian sorkar siam dan chu ṭha takin an zawm a ni. Inkaihhruaina tur standard operating procedures (SOPs)-te khauh taka kenkawh tum a ni a, ṭha taka kan zawm chuan Pathian malsawmna kan dawng ngei ngei ang," tiin Thackeray chuan sakhaw biak in hawn tum chungchang a sawi.