CAA dodaltute sum chawitir pe kir leh vek turin UP sorkar hrilh

Supreme Court chuan Uttar Pradesh sorkar hnenah kum 2019-a Citizenship Amendment Act (CAA) dodalna lantira nawrh huaihawtte thubuai a siamsakte chu an thubuai sut sak tura a hrilh hnuah, heng mite sum a chawitir pawh pe kir leh vek turin a hrilh.

Chief minister Yogi Adityanath kaihhruai BJP sorkar chuan Supreme Court thupek angin CAA dodalna lantir ṭuma vantlang leh mimal thil tihchhiat vanga an thil tihchhiat man chawi tura mi 274 te hriattirna a pek tawh chu a sut tih a sawi.

Justice DY Chandrachud leh Surya Kant awmna bench chuan, state sorkar chuan nawrh huaihawtte sum chawi tawh zawng zawng pawh a pe kir leh vek tur a ni tiin, hemi rual hian thil an tihchhiat chungchang erawh chu Uttar Pradesh Recovery of Damages to Public and Private Property Act hnuaiah state sorkar chu a ngaihtuah ṭhat leh a phalsak bawk.