Budget 2020: PM-in Finance Minister tel loin Economist-te inbiakna neihpui

Prime minister Narendra Modi chuan Ningani khan NITI Aayog-ah ramchhunga economist ṭha ber berte meeting a neihpui a, he hunah hian cabinet minister ṭhenkhat an tel laiin union finance minister Nirmala Sitharama erawh hmuh tur a awm lo.

Sorkar laipui hian kumtin budget siam hmain economist-te inbiakna an neihpui ṭhin a, Ningania inbiakna an neihnaah hian economic slowdown chungchangte pawh an sawi a ni. He hunah hian union home minister Amit Shah, road minister Nitin Gadkari, commerce minister Piyush Goyal leh rulral development minister Narendra Singh Tomar-te pawh an tel a, darkar hnih vel zet inbiakna hun hi an hmang a ni. 

NITI Aayog Vice Chairman Rajiv Kumar, CEO Amitabh Kant leh official dang eng emaw zat an tel bawk a, hetihlai hian finance minister ber a tel lo erawh hi chuan sawi zui a hlawh hle. Finance Minister-te hi an tel ngei ngei tur a ni tih dan awm lo mah se tel tura ngaih an ni ṭhin. Hetihlai hian nikum lam pawh khan a tel tawh lo a ni.