Telangana-ah Asia rama tribal fair lian ber ṭan

Asia ram zinga tribal fair lian ber, Medaram Jathara chu Ningani tlai aṭang khan Telangana-a Mulugu district-ah neih ṭan a ni.

Union tribal affairs ministry chuan thuchhuah tichhuakin, Telangana-a Koya tribe-te'n ni li chhung an huaihawt ṭhin Medaram Jathara chu Kumbh Mela dawta India rama fair lian ber a ni, a ti. He fair hi Telangana-a tribal welfare department leh Koya hnam ṭangdunin an buatsaih a ni.

Ministry chuan he kut hi an thlawp thu leh, Telangana-a Scheduled Tribe-te himna leh chawikan nana theihtawp an chhuah tur thu a sawi. "He kut kaltlang hian tribal culture, festival leh heritage chawikanna awareness neih ṭhin a nih bakah, khualzin leh Telangana-a Tribal community-te tana inzawmna ṭha siam tum a ni," tiin ministry chuan a sawi.

Kum hnih dana lawm ṭhin, Medaram Jathara tribal fair hi thla bial laia neih ṭhin a ni a, he hun hmang tur hian hmun hrang hrang aṭangin mi sing tel an kalkhawm ṭhin.