PM Modi-a'n Asia-a bio-CNG plant lian ber a hawng

Prime minister Narendra Modi chuan Inrinni liam ta khan video conference kaltlangin Asia khawmuala Bio-CNG plant lian ber, Indore, Madhya Pradesh-a Gobar-Dhan plant a hawng.

Prime Minister chuan Bio-CNG plant chu thil pawimawh tak a nih thu sawiin, kum hnih chhujngin Gobar-Dhan plant hian hi ram chhunga municipal body lian zual 75 huam chhungah siam tum a ni, a ti. India khawpuite chu khawpui fai, pollution laka fihlim, energy thianghlim zawka awmna hmunna siamna tura hmalakna pawimawh tak a ni, tiin a sawi.

Gobar-Dhan plant hawnna inkhawm hi Madhya Pradesh chief minister Shivraj Singh Chouhan leh union minister Hardeep Singh Puri-ten an hmanpui a ni.

He plant-ah hian organic waste tone 550 vel sawngbawl theih niin, ni khatah CNG kg 17,000 leh organic compost ton 100 vel a siam thei dawn a ni. Prime Minister Office chuan he plant hian greenhouse gas tihchhuah pawh a tihtlem phah ngei a beisei thu a tarlang bawk.