Allahabad hming thlak a ni dawn - Uttar Pradesh Chief Minister

Uttar Pradesh Chief Minister Yogi Adityanath chuan nakkum January thlaa Ardh Kumbh Mela hman hma ngeiin Allahabad khawpui hming chu Prayagraj tia thlak a ni dawn tih a sawi.

UP CM chuan Marg-darshak Mandal meeting-ah Akhara Parishad chuan 2019 Kum hma ngeia Allahabad hming hi Prayagraj tia thlak a rawt a, Governor pawhin he rawtna hi a pawmpui tawh a, member te kan lungrual tlan chuan a hming hi thlak thuai a ni ang, a ti.

Allahabad hming hmasa hi Prayag a ni a, kum zabi 16-a Mughal lal Akbar-an Ganga leh Yamuna bula kulh Sangam a hmuhchuah hnuah, he kulh leh a chhehvel bial chu Ilahad tiin a phuah a ni. A hnuah Akbar-a tupa Shah Jahan chuan khawpui pum chu Allahabad tiin a phuah zui a, mahse Sangam bul, Kumb Mela neihna ṭhin hmun chu Prayag tih chhunzawm reng a la ni.

Yogi Adityanath-a kaih-hruai BJP sorkar hian a hmain Mughalsarai Junction chu Pandit Deen Dayal Upadhyay Junction tiin a lo thlak tawh a, Mughalsarai pawh RSS ideologue Deen Dayal Upadhyay hming chawiin Pt Deen Dayal Upadhyay Nagar a lo ti tawh bawk.