Chhattisgarh-ah CPI leh JCCJ thawkdun dawn

November thlaa assem-bly inthlan neihna tur, Chhattisgarh-ah chuan Com-munist Party of India (CPI) leh Ajit Jogi-a kaihhruai Janata Congress Chattisgarh (J) te an thawkdun dawn.

Chhattisgarh assembly inthlan hi thawh hniha neih a ni dawn a, November 12 leh 20-ah vote thlak niin, December 11-ah vote chhiar a ni ang. November 12-ah seat 18 awmna, South Chhattisgarh-ah vote thlak a ni ang a, November 20-ah seat 72 awmna North Chhattisgarh-ah vote thlak a ni thung ang.

Bahujan Samaj Party (BSP) chuan a hmain JCCJ nena thawhdunna tur inremna an lo siam tawh bawk. Inremna an siamah hian BSP chuan assembly seat 90 zinga seat 35-ah an chuh ang a, JCCJ hian a bak seat 55 a chang thung dawn a ni.

CPI state secretary RDCP Rao leh Jogi te chuan Pathianni khan press conference an neihah an thawhdun tur hi an puang a, Jogi chuan JCC(J)-BSP ṭhawhhona tur an siam hnuah CPI telh a ni ve leh chuan ṭangrual pawl lian tak a siam ta tih a sawi. An tum ber chu sorkar siam tura chak ngei leh, Dalis, adivasi, mi rethei, thingtlang mi, loneitute, nitina inhlawhfa leh hnam hnuaihnung leh tenau zawkte tana thawh a ni tih sawiin, Chhattisgarh mipuite ṭhatna turin thutlukna an siam ṭhin dawn a ni, a ti.

Rao chuan an state-ah kum 15 zet BJP-in thuneihna an chang tawh chung pawhin state mipui 50% chuang zet chu mirethei, below poverty line hnuai lamah an la awm reng niin a sawi.